Xosefa de Xovellanos

NOVEDÁ SETIEMBRE 2020

Xosefa de Xovellanos

4,95 €

Disponible - (Imp. Incluidos)

EAN / Cod. Barras978-84-121182-5-4
MarcaPintar-Pintar Editorial

Xosefa de Xovellanos



Resume:

Ñacida en Xixón va cuasi tres sieglos, Xosefa de Xovellanos entovía permanez a la solombra del so hermanu Gaspar Melchor. Esti llibru ye un reconocimientu al llabor d’esta muyer nuna época na que’l so xéneru yerá apartáu, de miente sistemática, de la vida académica o cultural; una breve biografía, fecha con procuru y enllena de sentíu del humor, que tamién fai pensar nos estereotipos qu’entá queden por valtar. Una oportunidá, en suma, pa que la reciella s’acerque a Xosefa y la so obra.

Contraportada:

A lo llargo munchos sieglos, cuasi hasta los nuestros tiempos, poques muyeres tuvieron la suerte de figurar nos manuales d’Historia polos sos propios méritos. Sicasí, por ser la fía, la madre o la esposa de dalgún “prohome” destacáu en cualesquier especialidá: rei, guerreru, músicu, pintor, escritor… Y ensin embargu ehí taben. A la solombra de los varones. Esperando, como la Dama Dormiente de la Viesca, a que dalguién viniere a despertales del so sueñu históricu.

Nos últimos tiempos tán apaeciendo biografíes de dalgunes d’eses meritories muyeres que, social, científica o culturalmente, aportaron la so buelga a esti mundu remanáu polos homes: Hipatia, Frida Kahlo, Marie Curie, Rosalind Franklin, Amelia Earhart… podríen ser unos exemplos d’ello. Sería interesante, pues, que los neños y neñes d’anguaño conocieren y valoraren a unes persones con méritos abondo pa figurar na llarga cadena humana de la ciencia y la cultura, que nos traxo hasta los nuestros díes.

Tamién n’Asturies tuvimos y tenemos muyeres merecedores d’esi reconocimientu social qu’agora se ta produciendo. Una d’elles ye doña Xosefa de Xovellanos. Ñacía a la solombra xigante del so hermanu Gaspar Melchor, que-y restó protagonismu, fue una verdadera figura de la Ilustración. Culta, intelixente, escritora, bona conversadora, participó nos círculos d’intelectuales de Madrid y d’Asturies y dexó una obra poetíca onde se mecien lo crítico colo festivo, siempre calteniendo un típicu humor “playu”, xixonés, ciudá que la vio ñacer. Nesti cuidadosu llibru resúmese, de forma desenfadada apta pa tolos públicos, la visión que los autores tienen de la ilustre dama asturiana. Una de les grandes.

Ficha técnica:

Testos: Vicente García Oliva ISBN: 978-84-121182-5-4
Ilustraciones: Ilemi Cuesta Mier Númberu de páxines: 24
Formatu: 21 x 26 Idioma: asturianu
Encuadernación: tapa dura Añu d'edición: 2020

Más conteníos:

×
Hola,
Si tienes cualquier consulta o duda puedes contactarnos por aquí y te responderemos a la mayor brevedad posible. Solo tienes que pinchar sobre el icono de Whatsapp.
¡Gracias!