     |
II Sestaferia del profesoráu d'asturianu
Xornaes de Llingua y educación en CPR d’Uvieu
Llibros de colores pa los escolinos d’Asturies.
Programa (pdf) de la 31 Selmana de les Lletres Asturianes. Del 3 al 7 de mayu de 2010
El Gobiernu asturianu dedica la Selmana de les Lletres Asturianes d'esti añu 2010 al mierense Xosé Antonio García (1961-1997), escritor representativu del periodu conocíu como "Surdimientu" y qu'ocupa un espaciu señaláu na lliteratura asturiana de la segunda metá del sieglu XX.
Xosé Antonio García desarrolló una intensa actividá cultural dende los años setenta, collaborando de manera activa en revistes lliteraries y en prensa, dirixendo programes radiofónicos o participando nel mundu editorial. Publicó dos llibros de poesía -Cuartetu de la criación (Casa de Cultura Teodoro Cuesta, 1989) y Alcordances d'un home muertu(Editora del Norte, 1995)-. Anque dexó inédito una breve producción narrativa, cuando n'asturianu cuando en castellanu, ye sobremanera un poeta figurativu, esistencialista, que reflexona de la condición humana y de la muerte.
L'álbum ilustráu "Arroz, agua y maíz", compuestu pol testu col que Berta Piñán algamara'l premiu Mª Josefa Canellada de Lliteratura Infantil y Xuvenil y les ilustraciones d'Elena Fernández, diploma de los Premios Visual al diseñu editorial en la categoría de "Diseñu de Llibru"
Ediciones Trabe espubliza el primer númberu de Estoyu, revista para dar a conocer los llibros editaos n'Asturies. Nesti primer númberu la revista encara'l mundu del llibru infantil y xuvenil n'Asturies. Versión PDF del blogue d'Ediciones Trabe
Entamamos a recueyer y seleicionar testos infantiles escritos n'asturianu que editaremos pal añu 2011. ¡Unvíanos el tu proyeutu!
Pintar-Pintar va dir colgando na so páxina web delles guíes didáutiques de los cuentos escritos n’asturianu y espublizaos pola editorial, col envís de completar la llectura en casa o na escuela. Toles guíes van poder descargase de baldre. Amás de divertíos exercicios de comprensión llectora alcontraréis un pallabreru rellacionáu col llibru, dellos enllaces a Internet (“Caleyando pela rede”) ya información complementaria sobre’l tema que trata’l cuentu (“Pa saber más que les curuxes”), nesti casu sobre’l salgueru y la xana. Siempre con una redaición clara y afayadiza pa les edaes qu’aconseya’l llibru.
La Conseyería de Cultura y Turismu pente medies de la Dirección Xeneral de Política Llingüística, presenta una nueva UFIERTA D'ACTIVIDAES pal cursu 2009 - 2010. Como n'años anteriores l'oxetivu principal d'estes actividaes ye averar la lliteratura y la música asturiana al públicu mozo de la mano d'escritores, actores y músicos.
La ufierta comprende grupos como Mestura, que-y pondrá música al llibru "Poemes de carambelu" y el taller lliterariu titulau “Binoca”, dos llibros editaos por Editorial Pintar-Pintar.
La ufierta comprende grupos como Mestura, que-y pondrá música al llibru "Poemes de carambelu" y el taller lliterariu titulau “Binoca”, dos llibros editaos por Editorial Pintar-Pintar.