Novedá: "El marineru que perdió'l Norte" de Vicente García Oliva y Tina García

Presentámosvos un nuevu álbum infantil escritu por VICENTE GARCÍA OLIVA ya ilustráu por TINA GARCÍA: El marineru que perdió'l Norte



Esti cuentu fálanos de Bastián, un pescador que, col so perru Pataricu, va tener que dar munches vueltes p'atopar el norte paez que perdió.
¿Pero ónde ta esi norte? ¿Va tener que llegar hasta los mesmos esquimales p'atopalo?
¿Vamos tener nós que viaxar lloñe p'atopar el nuesu norte? 



VICENTE GARCÍA OLIVA

Pídenme les editores d’esti llibru una pequeña biografía pa que figure xunto a la semeya d’esi señor con barba que dicen que soi yo. La verdá, dame bastante galbana. Porque, nel fondu, ¿a quién-y interesa si fui o vine, si estudié o publiqué, si vivo en Xixón o nel País de Nunca Enxamás? Lo que puedo dicir de min ye que me gusten les histories. Que me presta lleeles y tamién escribiles. Y que si fuere muyer, cosa que dalguna vez me dio envidia, quixere ser Scherezade pa poder tar cuntando cuentos más de mil y una nueches. Y que cuando escribo trato de meteme na piel de los personaxes y reflexar coses qu’a min tamién m’esmolecen. Así que yá lo sabéis, dende agora soi namás Bastián: el marineru que perdió’l norte.

 

TINA GARCÍA

Tina tien pocu sentíu de la orientación, sicasí viaxa ensin brúxula. Piensa que dacuando les meyores coses atópense cuando te pierdes. Anguaño vive en Reinu Uníu, antes fíxolo n’Ucrania, Bélxica y Francia. Suel pagar recargu pol pesu de les sos maletes; siempres que se tresllada lleva con ella munchos llibros, alcordances y delles tabletes de chicolate asturianu. www.tinagarcia.es



  • El marineru que perdió'l Norte
  • Testos: Vicente García Oliva
  • Ilustraciones: Tina García
  • Formato: 18,4x22,9 cm 
  • Encuadernación: Tapa dura 
  • Idioma: asturianu
  • ISBN: 978-84-92964-62-8
  • PVP: 4,95 €
  • Tienda on-line
  • Distribución


No se encontraron resultados.


Deja un Comentario

Tu email no será publicado

Instale nuestro sitio web en su ordenador:
X
×
Hola,
Si tienes cualquier consulta o duda puedes contactarnos por aquí y te responderemos a la mayor brevedad posible. Solo tienes que pinchar sobre el icono de Whatsapp.
¡Gracias!