Cuntacuentos + taller: "Los páxaros"

El día en que fai cuatro años, Leo recibe un regalu inesperáu, una guitarra que lu conquista y que lu va camudar pa siempres. Dende’l principiu, Leo nun apea l’instrumentu, prauticando pa convertise, de mayor, nun músicu formidable. Pero un accidente-y quita de sutrucu la maña y la ilusión. ¿Qué descubrirá Leo nel xardín, n’oyendo cantar a los páxaros? ¿Será quien a tocar, ensin partitura, una melodía diferente? ("Los páxaros" - de Ivana Castañón Vázquez y Emilia Conesa)

• DIRIXÍU: taller dirixíu al públicu familiar en xeneral. Los menores de 5 años deberás asistir acompañaos d’un adultu. Les neñes y neños de 5 años n’adelante pueden participar solos o acompañaos d’un adultu que podrá participar na actividá (un adultu de baldre por cada entrada infantil).
• CUÁNDO: el vienres 5 de mayu de 2023, Día de les Lletres Asturianes, a les 17:00 h
• ÓNDE: Pintar-Pintar, Plaza Xuan XXIII nº 7, Uviéu
• PRECIU de la actividá: 6 € (un adultu gratis por cada entrada infantil). Materiales + un exemplar del álbum infantil ilustráu «Los páxaros» incluyíos nel preciu + regalo del llibru Xosé Bolado. Fálame duce.
• Nº de PLACES: 10
• DURACIÓN: 30 minutos
• DESARROLLA: Pintar-Pintar
• CLUB CULTURA: 5% dto. cola tarxeta Club Cultura (cupón: TDGUNIYEVQ)

*Xosé Bolado. Falame duce, recueye la semblanza que distintos amigos y personalidaes del mundu de la cultura tracen sobre l’autor uviedín, no personal y tamién na aportación que fizo como poeta, como militante sindical y políticu y na so dimensión de críticu y estudiosu de la llingua y de la lliteratura n’asturianu. La obra, coordinada por Marta Mori, edítala’l Gobiernu del Principáu d’Asturies con realización editorial de Trabe.